Васенце таркас ломантне путызь Вирень Инзейнень 23,9% - shikardos.ru o_O
Главная
Поиск по ключевым словам:
страница 1
Похожие работы
Название работы Кол-во страниц Размер
2014 иень Эрзянь сёрмадома шкинемань Казнень максомадо 1 68.82kb.
- 4 1234.94kb.
Васенце таркас ломантне путызь Вирень Инзейнень 23,9% - страница №1/1

"ЭРЗЯ-2013" - те....= "ЭРЗЯ-2013" - это...

"Эрзянь вал" курос совсиця ломантнень мелест. = Мнение участников группы "Эрзянь вал". "ЭРЗЯ-2013" - те....= "ЭРЗЯ-2013" - это...

Кото эрзянь ломанть ульнесть сехте редявиксэвть Эрзя раськенть ютксо 2013 иестэнть. ​Сынст покш тевест эрзятне неизь, тешкстызь, секскак явсть-путсть сыненст мель.

Те шкас те кевкстнемасонть путызь эсь тешксэст 46 "Эрзянь вал" курос совсиця ломанть. Нама тевесь аволь сеньсэ, кинь лемесь карми путозь васенце таркас, кинь - котоце таркас. Ансяк шкась невтьсы, кинь лемне стувтовить эрямосонть, кинь а стувтовить...

Ялатеке, те иень тевест неть эрзятнень ламонень пек вечкевсть. Сюконямот, тенк, паро эрзят 2013 иень покш эрзянь тевенк кис!
Васенце таркас ломантне путызь Вирень Инзейнень - 23,9%.
http://dg53.mycdn.me/getimage?photoid=575957578765&phototype=0

Лецтясынек сонзэ паро 2013 иень тевензэ. Те сонзэ лезксэзэ, конань сон путсь 4-це Эрзянь Инекужонть ды Раськень Озксонть аноктамос ды ютавтомас. Интернет вельде сон лездась "Эрзянь Мастор" кулялопантень, ламо шка явты "Эрзянь вал" вастнемкуронть ветямонтень. Эрзятненень пек вечкевсь Инзейнень чевте седеезэ, ломанень мелень ваномазо.



Омбоце таркас эрзяне путызь Числав Журавлёвонь - 22,7% , неень шань сехте покш эрзянь валморонь сёрмадеенть.
http://dg53.mycdn.me/getimage?photoid=575957784077&phototype=0
Те невти, кода вечкеви эрзятненень мазый, гайтев эрзянь келесь ды эрзянь кельсэ сёрмдыцятне. Шумбрачи ды од шкинемань изнявкст Числав лелянтень!


Колмоце таркасонть - Боляень Сыресень лемезэ - 20,4%.
http://dg53.mycdn.me/getimage?photoid=575957513229&phototype=0
Ламот мик таймаскадсть кунсоломсто, зярдо сон морызе седейстэ лисезь "Оймень пшкадема" моронзо Раськень Озксонь Атянь Эземсэнть. Те моросонть - Эрзя раськенек кис ине сэредема-мелявтома. Сон теизе "Эрзянь вал" вастнемкуронть. Сон мусь вийть ды шка якамс Шиофок ошов Эрзя раськенек ды раскекоцтонок невтемест. Ломантне содыть лия ламо паро эрзянь тевдензэяк.

Нилеце таркасонть Аношонь Тумай - 12,5%.
http://dg53.mycdn.me/getimage?photoid=575957916941&phototype=0
Тумай лелянть сехте покш тевензэ - те Эрзянь музеесь, Эрзянь этнопаркось, "Эрзянь лиьмапря" покшчись. Содатано, нейгак сон арси од эрзянь тевде.

Ветеце таркасонть - од эрзянь ломань - Наталь Абросимова - 11,4%.
http://dg53.mycdn.me/getimage?photoid=575957446157&phototype=0
Эстэнь Масторсо эрязь, сон пачк муи шка эрзянь тевень ветямос, тосонь эрзянь вейсэндявксонь прявт, ютавты Эрзянь келень Чить Эстониясо, сакшны Раськень Озксонь, Эрзянь Инекужонь ютавтомо. Сон пек виевстэ невти Эрзя раськеть мазычинзэ омбо масторсо.

Котоце таркасонть - Богданова (Сусорева) Ольга - 9,1%.
http://dg53.mycdn.me/getimage?photoid=575957671437&phototype=0
Сонзэ те иень покш тевезэ - эрзянь келень уроконь ветямотне Тольятти ошсо. Те тевесь - пек паро невтевкс лия эрзятненень, кода эряви вечкемс ды ванстомс эрзянь келенть!

Пильгс-модас сюконямот неть пек паро эрзятненень сынст покш тевест кис, конат лездыть ванстомс Эрзянь раськенек, эрзянь келенек, эрзянь культуранок.
Эрязо Эрзянь раськенек, эрязо Эрзянь Масторонок! Вейсэ, эрзят, виевтяно!